لا تعاتب

محمد الزعبي

بعد فترة قصيره جدا كتير من عُمرك، بتصير لما تزعل ما تعاتب، تُسكُت، تترك كل واحد يعمل الي بدو اياه، كل واحد و اخلاقه…

و اصلا زعلك بيكون غالبا ع حالك، بتفقد شعور الزعل ع اي انسان ع الكوكب ..و بِتعز عليك نفسك مش اكتر..

 

و لما تنخنق رح تبعد، بتبطل بحاجة مواساة.. رح تعرف تقلب الصفحات القاسية ..و رح تتصالح معها من جواك ..لما يتخلى عنك اي شخص رح تتمسك انت بنفسك اكتر… و رح تبطل تستنى الناس تصفقك رح تتعلم تصفق لحالك بعد اي انجاز بتعمله حتى لو كان بسيط جداً

رح تبطل تتقبل الناس الي بيحبوك بالشكل الغلط، بتبطل تفرح بالحُب لمُجرد انه حُب.. بيصير يهمك تكون مع ناس يعرفو يحبوك بالشكل و بالطريقة إليّ بتليق فيك…

 

بعد فترة قصيرة جدا جدا من عُمرك بتتغير … اها رح تتغير … رح تتغير مش رح تنفصم ع الناس… رح تتغير لانه الناس هما الي بيخلوك تتغير…. !!

 

بعد فترة مش طويلة من عُمرك رح تصير انسان قوي.. بترفُض الظلم … رح تربط سعادتك بطموح مش بحدا… و تفائُلك رح يكون بالله …و رح ترفض تصحى فجأة و تكتشف انك مُغفل …. رح تحارب عشان ما حدا يستغفلك…. رح تفهم انه شو ما رح تعمل رح تلاقي ناس برضه مش راضية و مش عاجبهم..

“رح تعرف انه ارضاء كل الناس هي بداية الفشل”……

 

رح تعرف تتحكم ف مشاعرك كتير… رح تكتشف انه في ناس بتكرهك لمجرد انك احسن منهم..

 

بعد فترة مش طويلة من عُمرك رح تفهم انه ما في شي اسمه “راحت علي” او فات الاوان لتغيير وضع سيّء، رح تضل تحاول لتوصل، و رح تفهم انه العالم مليء بالشر مهما حاولت تكون مُسالم، هادي .. و منيح… و ف حالك.. رح تلاقي نفسك بتنحط في مواقف سيئة من دون ما تفهم ليش؟ كيف؟ و امتى؟..