السيسي للعمال في عيدهم: “كل ما تتظلم اشتغل أكتر”

على هتافات “بنحبك يا ريس” و”زغاريد” النساء، كما هو الحال إبان حكم الرئيس المخلوع حسني مبارك، احتفل الرئيس المصري عبد الفتاح السيسي بعيد العمال، اليوم الثلاثاء، في قصر رأس التين الرئاسي بمحافظة الإسكندرية، في حضور رئيس الوزراء، وأعضاء الحكومة، ورئيس مجلس النواب، ورئيس وأعضاء الاتحاد العام لنقابات عمال مصر.

وألمح السيسي في كلمته إلى استمرار عمليات بيع شركات قطاع الأعمال العام لخسائرها المتراكمة، ومواصلة إجراءات برنامج الإصلاح الاقتصادي، مشيداً بنزول المصريين في الاستفتاء الأخير على التعديلات الدستورية (تهدف إلى استمراره في الحكم حتى عام 2030)، سواء ممن صوتوا بالموافقة على التعديلات أو رفضها، باعتبار أن المشاركة الإيجابية أسكتت أصوات المنتقدين في الخارج.

وقال السيسي مخاطباً المصريين: “ما تحقق في برنامج الإصلاح (الاقتصادي) خطوة من ألف خطوة، ولازم نفضل نجري ونشتغل ونعمر، وما نخربش أو نهد اللي اتعمل… وأوعوا تتصوروا إن الإجراءات التي أعلنت عنها مؤخراً بزيادة الأجور والمعاشات معناها إن دي ثمار الإصلاح، لا دي إشارة بس إن إحنا يا مصريين تحملنا إجراءات قاسية بكل ما تعنيه الكلمة… إجراءات قاسية بصحيح”.

وأضاف السيسي: “القطاع العام في مصر أقدم من القطاع الخاص، وموجود منذ 65 سنة، والإجراءات التي تتخذها الدولة تساوي 50% من النجاح… لأننا هانجيب معدات جديدة، وندرب الناس، ونعمل المنشآت، لكن يبقى النجاح مرهون بمسؤولية كل عامل، لأن ده لو مانجحش هايبقى فلوس التطوير راحت في الأرض… مصانع الأسمنت مثلاً كانت مع القطاع العام، وتدهورت معه، ولما اديناها لحد تاني نجحت (في إشارة لاستحواذ الجيش عليها)”.

وتابع: “وزير قطاع الأعمال العام موجود معانا في الاحتفال، وبقول للجميع إن قطاع مثل الغزل والنسيج عنده ما يساوي 20 مليار جنيه، ده غير المنشآت والأراضي، ونفس الكلام لقطاع الحديد والصلب… التطوير مش هايكون إلا بإدارة العمل، والقائمين عليه، ومافيش حد هايضيع من أهلنا، أوقفوا معانا بس في الإجراءات اللي جاية، وماحدش هايضيع”، على حد تعبيره.

واستطرد السيسي في محاولة لترسيخ مبدأ العبودية بين العمال: “لما يبقى عندي مصنع، وعنده مشاكل في معدلات الإنتاج أو الأرباح، أوقف الإنتاج أو أضرب عن العمل… ياترى ده هايكون لصالح المصنع أو مصلحة العمال اللي فيه… لا بالعكس، ده كل ما تحس إنك مظلوم، مش تخاصم وتضرب عن العمل، ولكن اشتغل أكتر، وماتخاصمش نفسك!”.

وزاد: “اللي قبلنا كانوا يقدروا يعملوا اللي إحنا عملناه، بس هم كانوا خايفين أو متحسبين لردود الفعل في الدول اللي حولنا… نجاح برنامج الإصلاح يرتبط بتحمل المصريين لهذا المسار، والنجاح هو الاستقرار والأمن، لأن مافيش استقرار اقتصادي ممكن يتحقق إلا بالأمن… والقطاعات التابعة للدولة لم تنجح بسببنا جميعاً، كلنا مع بعض سواء في الفشل أو النجاح”.

الوزن الزائد

وقال السيسي ساخراً: “بالنسبة لموضوع الصحة، أول ما أبص على شكل الواحد (العامل)، وألاقي عنده وزن زيادة، أقول على طول إنه مابيشتغلش… اللي بيشتغل مافيش مجال يبقى كده، وقمة الصحة إننا نخلي بالنا من نفسنا شوية!”.

واستكمل في كلمته: “اللي حصل في السنين اللي فاتت ما اتعملش غير بشعب مصر، لكن عشان تعملوا حضارة وتقدم حقيقي لازم كلنا نعمل بكد وإتقان… بكد بس مش كفاية، وبإتقان بس مش كفاية… وبقولكم لسه بدري على ثمار الإصلاح، إحنا ماعملناش حاجة، ومش عاوز أزايد في الكلام عشان موضوع الأجور أو المعاشات… ولكن لسه بدري أوي على ثمار الإصلاح، واللي هايتعمل أد اللي اتعمل مئات وآلاف المرات”.

واعتبر السيسي أن ثقافة التعليم خلال الخمسين عاماً الماضية أثبتت عدم كفايتها، ويجب تعديلها، بدعوى أن نجاح عملية إصلاح التعليم يتوقف على تفهم الأسر المصرية في تنفيذ هذا المسار، متسائلاً “هل التعليم يجهز أبناءنا للتكنولوجيا خلال السنوات القادمة؟ العملية التعليمية علشان نعملها جزء كبير منها مبني على استعداد الأسر وتفهمها، وماتبقاش خائفة… ولو ماجهزناش ولادنا للشغل يبقى بنطلعهم علشان يقعدوا في الشارع!”.

إشادة بـ”لا”

وأضاف: “أنتم اللي ممكن تختاروا حد يبقى مكاني هنا، انزلوا وهاتوا لو عاوزين… الدنيا كلها اتكلمت عن استفتاء الدستور اللي فات، ومافيش حاجة في المطلق أو في الوجود عليها إجماع كامل… اللي قال نعم صح، واللي قال لا صح، وعنده وجهة نظر… الناس لما تنزل هاتفرض رأيها وإرادتها… وكان في كلام كتير عن الموضوع ده، ومجرد ما المصريين نزلوا وشاركوا، الناس في الخارج بره سكتت”.

وختم السيسي، قائلاً: “لما أنتوا نزلتوا، أنا كنت سعيد بكده، مش عشاني، ولكن عشان إرادتنا، ولو أنت فاكر إني كنت فرحان عشاني يبقى تقديرك لي مش في مكانه… أنا سعيد بيكم أنتم، وماتفرحوش ولا تتمنوا غير الأمان والسلام والتقدم لبلادكم، وده مابيحصلش غير بالعمل… وأنا كان نفسي العدد اللي جه النهارده في الاحتفال يبقى أكتر من كده، هو عدد كويس بس مش كفاية، لأن يهمني نكون أكتر بكتير”.