الرمثا نت | Alramtha.net عنواننا الصدق في نشر الخبر
هبة الله الشمايلة تخاطب الملك : يا والدي الكرك مش بخير والرسالة اللي بتوصل الك مش صحيحة
فاجأت المحامية الشابة هبة الله الشمايلة من ابناء محافظة الكرك ، جميع الحضور اليوم الأحد خلال لقاء جلالة الملك بوجهاء المحافظة ، ومعهم مجموعة من الشباب بالكلمة التي القتها أمام الملك .
حيث قالت الشمايلة للملك أن كل ما يراه في الكرك خلال زيارته غير حقيقي ، وان المسؤولين أعدوه من أجل الزيارة فقط ولكن الحقيقة ليست كذلك وتاليا نص ما قالته :
في الصيغة الملكيه بخاطبك ب ‘سيدي ، مولاي ، حضرة صاحب الجلالة ‘ أما في الصيغة الواقعيه بدي أخاطبك ب ‘والدي’ انا اليوم هون ﻷنول شرف لقائك و ﻷنقلك الواقع .
يا والدي ، الوضع مش تمام و الوضع ما بطمن و ترا الكرك مش بخير .. سيدي شبابنا وضعه متدهور وضعه في الحضيض ، شبابنا عاطل عن العمل باطل في نظر المجتمع ، عاله ع أهله ، شبابنا حلمهم يكونوا أسر و يتزوجوا لكن يا سيدي ظروفهم ضدهم ‘
سيدي الرساله اللي يتم ايصالها الك هي رساله مش صحيحه تماما مثل الطريق اللي موكبك شرف من خلاله ‘سيدي ترا هاي الطريق مش هيك بالايام العاديه هاي الهم اسبوعين بلشانين فيها عشان يفرجوك انهم قايمين بدورهم ولا هي مش هيك ‘
سيدي ، قبل فتره قمت بايعاز لاشراكنا بالحياه السياسيه ترا يا سيدي كذب ما اشركونا و استمر التجاهل النا ، مسؤولينا قاعدين بستغلوا اسم فئتنا’الشباب’ لحتى يطلعوا ع ظهرنا ولا احنا بالحقيقه مش مستفيدين .
سيدي ، والدي أنا بطلب من جلالتك انه يكون التواصل بيننا و بينك مباشر خالي من الحمام الزاجل و أقصد بالحمام الزاجل مسؤولينا اللي احنا طلعناهم و مش مستفيدين منهم ..
فتاة نشمية من الكرك – المحافظة التي انحدر منها رؤساء وزارات واعيان ونواب بالجملة وفيها عشرات المشاريع التنموية والصناعيةوالسدود المائية وقيادات عسكرية ومدنية ولهم بيت الكرك الراقي في عمان ومع ذلك تشكو امام جلالة الملك من سوء الاوضاع – فماذا نقول نحن في هذه المدينة المنكوبة – المنكوبة بممثليها ونوابها وشخصياتها الغائبة او المغيبة عن المشهد-
نحتاج الى مجلس حكماء من وجهاء هذه المدينة لمتابعة كافة الملفات – اذا كانت الكرك ليست بخير فماذا نقول عن الرمثا
كل الاحترام لكل من يدافع عن حقوق الوطن بشكل عام والرمثا بشكل خاص
وكل التقدير للرمثا نت على جهودها في متابعة ملفات الرمثا وابنائها .
هذه الفتاة تعد بالف رجل يا هيك البنات يا بلاش لعاد مثل الرماثنه الي كتبواهم الكلمات وهم مثل البلغاء بس عليهم يقرؤها المهم يتصورو مع جلالته والمهم يحكو قدام الناس احنا الحكومه حاسبه حسابنا ولا واحد تجرأ يحكي مثل هذه الفتاة قال رجال قال روحو نامو احسنلكم